| 疑問一 : 點解咁多人升上中學後會使用二手教科書，唔直接全套訂新書? |
| 大世界答案 : 如果買成套新書大約三千元或以上，但若果購買舊書大概會平一半價值，相對下真係慳好多。 |
| 疑問二 : 我想試下用舊書，但又驚比人笑? |
| 大世界答案 : 升中後，同學仔使用舊書係好平常既事，年級越高就越多比率既同學會喜歡使用舊書。 |
| 疑問三 : 我聽人講坊間好多舊書店信唔過? |
| 大世界答案 : 每個行業都有正暗兩面既人做生意，若果害怕就事前做多少少功夫，搜集下或者詢問下身邊朋友比下意見，幫襯D有口碑既店舖咪可以安心囉! |
| 疑問四 : 我想知點為之比較正規既舊書店? |
| 大世界答案 : (1) 標榜明碼實價，劃一折扣收費 (2) 提供足夠空間比客人自行挑選心水課本 (3) 書店職員會從旁協助核對相關課本的書名、出版社、版次及相方共同計算折後價錢 (4) 提供是次交易發票，發票會清楚列明貨品名稱、折扣價、收費、該書店的名稱及確保有關之售後服務條款。 |
| 疑問五 : 舊書係咪真係好舊? |
| 大世界答案 : 依個係好多未接觸過二手書的人錯誤既觀點。以我們為例:我們收購客人課本時會經過篩選(外皮殘缺、嚴重滲水痕跡、充滿凌亂筆記、多頁數充滿污言穢語或愛的宣言、大幅度內頁有瓦解跡象、缺頁和舊版書) ，以上全部都不會收購。雖然名義上叫做舊書，但其實依家好多同學仔為左讀完後成功放賣都盡量保持一定質素，當中有些簡直同新書無分別。 |
| 疑問六 : 我想試下放書但好驚下年要用番，又聽人講放哂D書幾十元都無? |
| 大世界答案 : 升上中學尤其係初中時段，其實每年級都會學唔同架嘢，好少情況會用番上年既課本，特別情況下老師會起放暑期前叫同學留起邊本書，又或者新年度書單會列明邊本書將會沿用。因此，我們都建議客人個年讀完既書就最好及早出售，因為書商時常轉新版，一經轉左版既舊書我地就唔收，而D書又變成廢紙真係好可惜。我地都建議客人放書去D比較正規既舊書店，通常每本最少都收番十元一本，正常情況放哂D書係無可能得幾十元。記謹越高年級既書就越有價值，越早放書比D舊書店就收得越高價。參考價:中一平均每本收10元，中二平均每本收20元，中三平均每本收30元，中四、五平均每本收50元。 |
| 疑問七 : 舊書店無可能全部書執齊，因為一定至少會有幾本係新版，同埋有好多新作業,咁點算? |
| 大世界答案 : 通常專賣新書既大型書局會有訂書服務，其實只要您執齊舊書後，剩低邊本新版書或作業未執咁就可以交比佢地幫您訂，新手既家長們放心新書係可以散買既，只要走多一趟舊書店就可以最少慳番成千元，真係好抵。 |
| 疑問八 : 最後我想知有無咩嘢有關買賣舊書既細節要注意? |
| 大世界答案 : 我地建議新手最好約多D朋友陪同買賣舊書，始終人多好辦事，身邊親戚朋友會比到有用既意見。家長亦最好陪同子女一齊買賣舊書，話哂都係成年人，人生閱歷一定會比較豐富， 安全至上。前往買舊書前，最緊要計一計書單，若果執舊書大概係用幾多錢自然心中有數。購買舊書時最好自備計算機，記得自行計算折後價錢，確保收費合理。執好既課本記緊比錢前，核對清楚岩版次就萬無一失。賣書既新手就記住『本本都係錢』，唔好當D書係廢紙，賣書就等如收錢，現金仲會即時到您手，『價岩即賣、價差即走』。若以上通通做足您就係一個精明既消費者。 |
發表評論